Бэс ыйын 6 күнүттэн Дьааҥы улууһугар «мобильнай дуоктардар» үлэлии сылдьаллар. Биригээдэҕэ педиатр, хирург-уролог, травматолог-ортопед, офтальмолог, оториноларинголог, невролог, стоматолог, акушер-гинеколог, кардиолог, ультразвугунан диагностика бырааһа, быраас-психиатр бааллар.
«Биһиги дьиэ кэргэн Дьокуускай быраастара иккистээн кэлбиттэриттэн олус үөрдүбүт. Үс оҕолоохпут. Киин куоракка көрдөрө барар сороҕор кыаллыбат. Оҕолорбун исписэлиистэргэ барыларыгар кэриэтэ көрдөрдүм. Быраастар олус болҕомтолоохтор уонна билиилээхтэр», – диэн Баатаҕай олохтооҕо үөрүүтүн үллэһиннэ.
Өрөспүүбүлүкэтээҕи профилактика уонна уопсастыбаннай доруобуйа киинин сүрүн бырааһа Алена Никитина иһитиннэрбитинэн, дуоктардар 376 оҕону көрбүттэр. Кинилэр Адыачча, Үүттээх, Остуолба, Боруулаах, Дьааҥы, Эһэ-Хайа уонна Баатаҕай бөһүөлэктэригэр сылдьыбыттар. Былаан быһыытынан, барыта 20 нэһилиэнньэлээх пууҥҥа тиийиэхтээхтэр.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: «Вести Верхоянья» хаһыат
