Саха сирин Ил Дархана Айсен Николаев ДНР-га тиийэ сылдьан Дьокуускайдааҕы офтальмологическай балыыһа филиалын аһыллыытыгар кытынна. Кини биһиги исписэлиистэрбит олохтоохторго 800 тахса эпэрээссийэни оҥорбуттарын уонна салгыы көмөлөһөр санаалаахтарын эттэ.
Саҥа аһыллыбыт хараҕы эмтиир балыыһаҕа бэс ыйын 30 күнүттэн Саха сирин быраастара үлэлээн барыахтара. Сүрүн быраас Иван Луцкан диагностикаҕа уонна эпэрээссийэҕэ ирдэнэр бары тэрили, микроскоптары, хайаҕастаах лаампалары, факокомбайны аҕалбыттарын иһитиннэрдэ. Былырыын балыыһа дьиэтин үрүт бүрүөһүнүн уларыппыттар, лифт туруорбуттар. Быйыл аныгы тэрилинэн, ол иһигэр утутар аппаратынан, хааччыйдылар.
2022 с. саас Саха сирэ ДНР Кировскай куоратын кытта шефтэһэр туһунан сөбүлэҥ түһэрсибитэ. Шефтэһии чэрчитинэн Саха сирин исписэлиистэрэ доруобуйа харыстабылын, үөрэх эбийиэктэрин, сылытар уонна сырдатар ситимнэри, суолу-ииһи саҥардыбыттара.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: Кировскай к. дьаһалтатын пресс-сулууспата
