Ону таһынан, биир мөлүйүөн солкуобайы бэлэхтээтилэр. Санатар эбит буоллахха, бэс ыйын 23 күнүгэр Саха сирин нэһилиэнньэтин ахсаана 1 000 000 киһи буолбута.
Ахсааммытын хаҥатан мөлүйүөҥҥэ тиэрдибит кырачаан кыыс Дьокуускай куоракка Мэдиссиинэ национальнай киинигэр төрөөбүтэ. Ыйааһына – 4 киилэ 100 грамм, уһуна – 56 сантымыатыр. Мииринэйтэн төрүттээх Гаврил уонна Арина Онуфриевтар кыыстарын Саина диэн сүрэхтээбиттэр.
Бэс ыйын 27 күнүгэр Мэдиссиинэ киинигэр кырачаан Саинаны уонна ийэтин Аринаны дьиэлэригэр атаарар дьоро тэрээһин буолла. Онуфриевтар дьиэ кэргэҥҥэ Ил Дархан аатыттан 105 тыһыынча солкуобай суумалаах “Сүүс сыл оҕото” уонна дьиэ кэргэҥҥэ иккис оҕолоро төрөөбүтүнэн, 232 тыһыынча суумалаах өрөспүүбүлүкэтээҕи ийэ хапытаалын сэртипэкээттэрин туттардылар. Ону таһынан, кыыс кэлин үөрэхтээх киһи буола улаатарын туһугар сыллааҕыта 8 %-наах 1 000 000 солкуобайдаах уурдарыы (вклад) туһунан сэртипэкээти бэлэхтээтилэр.
Мария ВАСИЛЬЕВА хаартыската
