Бэс ыйын 24-25 күннэригэр Үс Хатыҥҥа ыытыллыбыт Туймаада ыһыаҕын кэмигэр 214 киһи мэдиссиинэ көмөтүнэн туһаммыт.
Онтон 29 – педиатр көмөтүнэн. Суһал көмө сулууспата 77 ыҥырыыга сылдьыбыт. 5 улахан киһи, ол иһигэр 1 оҕо балыыһаламмыт. 24 киһи араас таһымнаах успуорт эчэйиитин ылбыт. 6 киһини арыгы испитигэр-суоҕар бэрэбиэркэлээбиттэр. Ити туһунан бэс ыйын 27 күнүгэр Дьокуускай куорат дьаһалтатыгар буолбут мунньахха иһитиннэрбиттэр.
Санаттахха, быйылгы Туймаада ыһыаҕар хаһааҥҥытааҕар да элбэх – 235 тыһыынча киһи сылдьыбыт.
Эбэн эттэххэ...
Туймаада ыһыаҕын кэмигэр анал үлэһиттэр бөҕү-саҕы түүннэри хомуйбуттар. Быйыл Үс Хатыҥҥа эбии 63 бөх тоҕор иһити оҥорон туруорбуттар. Эһиил оннук иһиттэри өссө киин түһүлгэҕэ – Тунах түһүлгэтигэр – туруоруохтара үһү.
Киин куорат пресс-сулууспатын хаартыската
