Саха сиригэр ааспыт нэдиэлэ устатыгар 57 киһини клещ ытырда. Хаар барыаҕыттан, от-мас тыллыаҕыттан – барыта 355 киһини. Ол туһунан Роспотребнадзор Саха сиринээҕи салаата иһитиннэрэр.
Ол курдук, ааспыт нэдиэлэ устатыгар “клещ ытырда” диэн Ленскэйгэ балыыһаҕа 25 киһи көрдөрүммүт. Алдаҥҥа – 11, Нерюнгрига – 9, Өлүөхүмэҕэ уонна Дьокуускайга – үстүү, Ньурбаҕа, Үөһээ Бүлүүгэ – иккилии, Хаҥаласка, Аммаҕа – биирдии. Ол иһигэр Нерюнгрига алта киһини Амыртан, Иркутскайтан, Забайкальеттан уонна Красноярскайтан “олорсон” кэлбит үөннэр ытырбыттар.
Дьыл саҕаланыаҕыттан дьону ытырбыт клещтэр ортолоругар 2 энцефалиттаах, 14 боррелиозтаах, о.д.а. ыарыылаах үөннэр көстүбүттэрэ. Роспотребнадзор энцефалит киин ньиэрбэ тиһигэр, оттон боррелиоз сүһүөххэ охсорун санаталлар. Онон, айылҕаҕа, тыаҕа-хонууга таҕыстахха, сэрэхтээх буолар ордук.
KYYM.ru.
