Туймаада ыһыаҕын эрэ иннинэ, бэс ыйын 23 күнүгэр, Сахабыт сиригэр күүтүүлээх мөлүйүөннээх оҕо Онуфриевтар дьиэ кэргэннэригэр төрөөбүтэ. Ил Дархан Айсен Николаев бу түгэн аҥаардас биир ыал үөрүүтэ буолбакка, бүтүн өрөспүүбүлүкэҕэ улахан суолталааҕын бэлиэтээбитэ.
Сахабыт сирин мөлүйүөннээх олохтооҕо кыысчааны төрөппүттэрэ Сайыына диэн ааттаабыттара.
ЗАГС дьаһалтата иһитиннэрэринэн, бэс ыйыгар төрөөбүт уолаттарга ордук элбэхтик Александр, Артём, Богдан, Вячеслав, Давид, Дамир, Марк, Максим, Тимур, Эркин
уонна Эрхан диэн ааттары биэрбиттэр.
Онтон Альберт, Борис, Василий, Григорий, Денис, Захар, Илья, Платон, Роман, Сергей, Трофим, Федор диэн ааттарынан аҕыйах уолу сүрэхтээбиттэр.
Оттон кыргыттарга бэс ыйыгар Алиса, Виктория, Дарина, Ева, Милана, Мия, Оливия, Сайаана уонна София диэн ааттары үгүстүк биэрбиттэр.Ордук аҕыйахтык Анастасия, Венера, Екатерина, Лидия, Нелли, Ольга, Светлана, Татьяна, Эльвира диэн ааттары иҥэрбиттэр.
СӨ Ил Дарханын уонна Бырабыыталыстыбатын пресс-сулууспата.
Андрей Сорокин хаартыската.
