Дьокуускай Курашов уулуссатыгар турар элбэх кыбартыыралаах дьиэтин анныттан эр киһи өлүгэ көһүннэ.
“Өлүк ускул-тэскил сылдьыбыт киһи киэнэ буолуон сөп” диэн СИА кэрэспэдьиэнигэр быраабы араҥаччылыыр уорган үлэһитэ иһитиннэрбит.
Бу дьиэ олохтоохторо “куһаҕан сыт кэлэр” диэн эппиттэрэ ый кэриҥэ буолбут. Ол иһин “ханнык эрэ кыыл киирэн өлбүтэ буолуо” диэн хомуйтараары салайар хампаанньаларыгар биллэрбиттэр.
“Билиҥҥитэ туох буолбутун сиһилии этэр кыахпыт суох. Өлүк дьиэ анныгар төһө өр сыппыта биллибэт, итии күн-дьыл мөлтөх туруктаах. Быһа холоон эттэххэ, дьиэтэ-уота суох хаамаайы бу саас манна хонор сир оҥостубут быһыылаах, мала-сала мантан көһүннэ”, – диэн СИАҕа иһитиннэрдилэр.
СИА.
