Иркутскайтан Дьокуускайга көтөн испит 140 пассажирдаах, 6 экипажтаах көтөр аал чыычаахтарга мэһэйдэтэн төттөрү төнүннэ уонна суһаллык сиргэ түстэ.
“Airbus A320” сөмөлүөт атырдьах ыйын 2 күнүгэр Иркутскайтан Дьокуускайга көтүөхтээх этэ. Ол эрээри халлааҥҥа тахсаары чыычаах үөрүттэн мэһэйдэтэн, экипаж төттөрү төннөргө быһаарынна.
Сөмөлүөт этэҥҥэ сири булла, ким да эмсэҕэлээбэтэ.
Бу быһылааны Арассыыйа СК Иркутскайдааҕы илиҥҥи эрэгийиэн тырааныспары силиэстийэлиир салаатын үлэһиттэрэ бэрэбиэркэлиэхтэрэ уонна ол түмүгүнэн процессуальнай быһаарыыны таһаарыахтара.
ЯСИА
Сэҥээриилэр