Ил Түмэҥҥэ дьокутааттар Саха сирин сокуоннарын саха уонна нуучча тылларынан тиэкистэрэ биир тэҥ буолалларын олохтуур хамыыһыйаны тэрийэр туһунан уурааҕы ылыннылар. Хамыыһыйаны парламент бастакы вице-спикерэ Александр Жирков салайда.
Хамыыһыйа Саха сирин сокуоннарын тиэкистэригэр нууччалыыттан сахалыыга тылбаастыырга сөп түбэспэт быһаарыыларын, итэҕэстэрин туоратар сыаллаах тэриллибит.
“Быйыл тохсунньуттан Ил Түмэҥҥэ киирэр сокуон барыллара, сокуон уонна аактар бырайыактара бүтүннүү өрөспүүбүлүкэ икки судаарыстыбаннай тылынан – нууччалыы уонна сахалыы – суруллан киириэхтээхтэр. Онуоха тылбаастыырга араас быһаарыы суох буолбатын диэн, ону сааһылыыр, булгуччу биир тэҥ буолалларын быһаарар хамыыһыйа тэриллиэхтээх”, — диэн Ил Түмэн спикерэ Алексей Еремеев иһитиннэрдэ.
Хамыыһыйаны Александр Жирков салайда, састаапка норуот дьокутааттара Алена Атласова, Николай Бугаев, Андрей Находкин уонна Мария Илларионова киирдилэр.
Бэйэ кэр.
