2024 с. тохсунньу 25-29 күннэригэр Санкт-Петербурга уонна Ленинград уобалаһыгар “Кыайыы сиэннэрэ. Ленинград” диэн Аҕа дойдуну көмүскүүр Улуу сэрии кыайыылаахтарын билиҥҥи көлүөнэ ыччаттарын норуоттар икки ардыларынааҕы слета ыытыллыахтаах. Бу слет, Ленинград фашистар блокадаларыттан босхоломмута 80 сылыгар ананан, быһаччы Арассыыйа Бэрэсидьиэнэ Владимир Путин сорудаҕынан тэриллэр.
Слекка Ленинграды көмүскээччилэрэ, блокадаттан босхолооһун кыргыһыыларын кыттыылаахтара, блокадаламмыт Ленинград олохтоохторун хаан аймахтара уонна устуоруйа чахчыларын харыстааһыҥҥа үлэлиир волонтердар кыттыахтара.
Слекка кыттыан баҕалаахтар волонтёрыпобеды.рф аан ситимҥэ бэлиэтэнэллэр, “мероприятия” диэн тусаһаҕа сайаапка угаллар уонна куонкурус сорудаҕын толороллор. Сайаапкалары алтынньы 31 күнүгэр диэри ылаллар. Кимнээх талыллыбыттарын туһунан түмүк ахсынньы 5 күнүгэр тахсыаҕа.
Манна сыһыаран санаттахха, Владимир Путин “Алеша” тааҥка экипаһын кытта аатырбыт Курскай Тоҕойго кыргыһыыга кыайбыппыт 80 сылын бэлиэтиир тэрээһин кэнниттэн көрсөрүгэр, Арассыыйа дьоруойа Филипп Евсеев эһэтэ Курскай Тоҕой кыргыһыытын кыттыылааҕа буоларын истэн, “көлүөнэлэр утумнаһыылара” диэн сүрдээҕин сэргээбитэ.
Бэйэ кэр.
