РФ Бырабыыталыстыбатын бэрэссэдээтэлин солбуйааччы, Уһук Илиҥҥи федеральнай региоҥҥа Бэрэсидьиэн бэрэстэбиитэлэ Юрий Трутнев суруналыыс, «Отважные» документальнай киинэ ааптара уонна режиссера Олеся Шигинаҕа наҕараадалары туттарда.
Кини бэһис төгүлүн ыытыллар В.К. Арсеньев аатынан Бүтүн Арассыыйатааҕы «Дальний Восток» литэрэтиирэ бириэмийэтин иккис анал сиэссийэтин «Ждём тебя!» номинациятын кыайыылааҕа буолбута. Маны сэргэ сиэссийэҕэ быйыл от ыйыгар анал байыаннай дьайыыларга үлэлии сылдьан суох буолбут байыаннай суруналыыс, РИА Новости ырытан көрөөччүтэ Ростислав Журавлёв үтүөлэрин бэлиэтээтилэр. Сэртипикээти байыаннай кэрэспэдьиэн ийэтигэр Людмила Журавлёваҕа туттардылар.
Бириэмийэ анал сиэссийэлэрин ыытар быһаарыыны Юрий Трутнев көҕүлээһининэн быйыл олунньуга анал байыаннай дьайыыларга сыһыаннаах айымньылар ааптардарын көҕүлүүр соруктаах ылыммыттара. Анал сиэссийэлэргэ дьүүллүүр сүбэҕэ РФ Култууратын министиэристибэтин, ТАСС, А.М. Горькай аатынан Литэрэтиирэ институтун, РФ Суруналыыстарын сойууһун бэрэстэбиитэллэрэ уонна байыаннай кэрэспэдьиэннэр киирэн үлэлээтилэр.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Сэҥээриилэр