Дьокуускайга сэтинньи 27 – ахсынньы 3 күннэригэр ыытыллар үбүлүөйдээх X-c «Cаха сирин» амтана бэстибээлгэКазахстан титуллаах шеф-повара кэлиэҕэ. Кини бэстибээл дьүүллүүр сүбэтигэр киирдэ.
Серикхан Адильханов – эт бородууктаны астыыр уонна атыылыыр «Айкул» хампаанньаны төрүттээччи. Эрэстэрээн урбааныгар улахан уопуттаах, кулинариянан уонна араас дойду төрүт аһын үөрэтиинэн дьарыктанар.
Биллиилээх асчыт Саха сиригэр кэлэн бэстибээлгэ кыттар күнүн олус күүтэрин уонна кини сырыыта Казахстан уонна Саха сирэ доҕордуу сыһыаннара күүһүрэригэр көмөлөһүө диэн эрэнэрин билиммит. Ол туһунан СӨ Ыалдьытымсах буолуу ассоциацията иһитиннэрдэ.
Сонун төрдө: СӨ Ыалдьытымсах буолуу ассоциацията
