«Арассыыйа почтата» АУо үлэһиттэр хамнастарын үрдэтиигэ бу сылга 2,9 млрд солк. инбэстииссийэлээбит. Онон, тыын суолталаах 115 000 үлэһитин – почта салааларын эпэрээтэрдэрин, почтаны тарҕатааччылар, суоппардар, сортировщиктар уонна курьердар – хамнастарын үрдэттэ.
«Тэрилтэбит үлэһиттэргэ кыһамньылаах сыһыаны өрө тутар. Почта үлэһиттэрэ улахан социальнай мииссийэни толороллор, онон үлэлэрэ сөпкө сыаналаныахтаах. Кинилэр үлэлиир усулуобуйаларын тупсарыы салҕаныа», – диэн генеральнай дириэктэр Михаил Волков иһитиннэрдэ.
Маны сэргэ «Арассыыйа почтатын» корпоративный университета сыл ахсын 200 000 тахса үлэһити үөрэтэн таһаарар уонна сыллата почта салааларын саҥардар үлэни ыытар.
Сонун төрдө: «Арассыыйа почтата» АУо пресс-сулууспата
Сэҥээриилэр