Дьокуускай куорат баһылыга Евгений Григорьев «Россия 24» телеханаал быһа эпииригэр Октябрьскай уулуссаҕа баар автовокзал дьиэтэ сабылларын, онон аэропорт уонна мэдиссиинэ киинин аттыгар икки саҥа автовокзал тутулларын эттэ.
Онуоха, маннык быһаарыыны ылыныах иннинэ нэһилиэнньэ санаатын үөрэтии ыытыллыбыта биллибэт. Оттон куорат таһынааҕы бөһүөлэктэргэ олус элбэх киһи олорор уонна сыл ахсын элбии турар. Олор истэригэр куоракка киирэн үлэлээччилэр, үөрэнээччилэр да бааллар. Үгүс аҕам саастаах олохтоохтор оптуобуһунан сылдьаллар. Куорат киинигэр ордук Хатастан уонна Мархаттан элбэх киһи тиэстэр. Айан сыаната ботуччу – уу харчынан 78 солк.
Автовокзаллар аэропорт эбэтэр мэдиссиинэ киинин аттыгар тутулуннахтарына, куорат таһыттан кэлэр дьон тиийиэхтээх сирдэригэр салгыы атын оптуобуһунан айанныырга күһэллиэхтэрэ. Оччотугар айаннара өссө уһуур, ороскуоттара өссө улаатар.
Дьиҥэр, автовокзаллары эбии тутуу - үчүгэй толкуй. Ол эрээри куорат таһыттан оптуобуһунан эрэ сылдьар кыахтаах дьоҥҥо автовокзал куорат кииниттэн мэлийэрэ охсуулаах буолсу. Ону туох дии саныыгыт?
Бэйэ кэр.
Сэҥээриилэр