Тохсунньу 5 күнүгэр Киин быыбардыыр хамыыһыйа Арассыыйа бэрэсидьиэнин быыбарыгар Владислав Даванкову «Саҥа дьон» баартыйаттан хандьыдаат быһыытынан бигэргэттэ. Кини баартыйа салайааччытын бастакы солбуйааччыта, Госдума дьокутаата, урбаанньыт.
«Быыбардыыр хампаанньаны өссө Саҥа дьыл иннинэ саҕалаабыппыт: Белгородка уонна Смоленскайга сылдьыбыппыт. Аны Челябинскайга уонна Екатеринбурга сылдьар санаалаахпыт. 40-тан аҕыйаҕа суох куоракка ыстааппытын тэриниэхпит. Саайпытыгар хайыы үйэ 240 тахса киһи бэлиэтэннэ. Кинилэр биһигини өйүөхтэрин, волонтёрунан, эрэллээх дьонунан үлэлиэхтэрин баҕараллар. Күүстээх уонна көҥүл дойдуга олоруон баҕалаахтары барыларын хамаандабытыгар ыҥырабыт», — диэтэ Владислав Даванков.
Владислав Даванков туһунан кылгастык:
1984 сыл олунньу 25 күнүгэр Смоленскайга байыаннай лүөччүк дьиэ кэргэнигэр төрөөбүт. Москубатааҕы М.В. Ломоносов аатынан Судаарыстыбаннай университет историческай факультетын, Арассыыйатааҕы судаарыстыбаннай социальнай университеты бүтэрбит. Социальнай билим хандьыдаата. 2013 сыллаахха Алексей Нечаев «Фаберлик» хампаанньатыгар вице-бэрэсидьиэнинэн анаммыт. 2020 сыллаахха Алексей Нечаев уонна Александр Даванков «Саҥа дьон» баартыйаны тэрийбиттэр. Госдума дьокутаатынан 2021 сыллааҕы быыбарга Сергей Кусмаков диэн хандьыдаат ылбыт мандатынан ааспыт. Ол күһүн Госдума бэрэссэдээтэлин солбуйааччытынан талыллыбыт. Кэргэннээх, икки оҕолоох.
Сонун төрдө: «Саҥа дьон» баартыйа пресс-сулууспата
