СӨ Административнай быраабы кэһии кодексыгар ааспыт сыл тохсунньу 22 күнүгэр уларытыылары киллэрдилэр.
Ол курдук, дьиэ кыылын тутуу ирдэбилин бастакытын кэһии иһин ыстараап кээмэйэ 1000 – 3000 солк., хаттаан кэһии иһин - 3000 - 5000 солк. диэри улаатта. Маны сэргэ, сэрэтии диэн миэрэ аны көрүллүбэт буолла.
Ааспыт сыл устата СӨ Ветеринариятын департаменын судаарыстыбаннай иниспиэктэрдэрэ олохтоох салайыныы уорганнарын, административнай хамыыһыйалары, куорат уокуруктарын исписэлиистэрин уонна полицияны кытта барыта 1027 эриэйдэҕэ сылдьыбыттар.
Ол түмүгүнэн 802 боротокуол оҥоһуллан 802 уураах тахсан, 689 600 солкуобайдаах ыстараап суруллубут, 274 киһиэхэ сэрэтии бэриллибит. Миэрэҕэ тардыы сүрүн төрүөтүнэн ыттар босхо сылдьаллара буолбут.
Сонун төрдө: СӨ Ветеринария департамена
