Афанасий уонна Зоя Соловьевтар салайар образцовай «Бриллианты Якутии» оҕо үҥкүү ансаамбыла Кытай Харбин куоратыгар ыытыллыбат Норуоттар икки ардыларынааҕы «Зимняя сказка - 2024» бэстибээл-күрэскэ «Норуот үҥкүүтэ» номинацияҕа Гран-при ылла.
Национальнай култуура уонна доҕордоһуу бырааһынньыгар Приморьеттан, Хабаровскай кыраайтан, Саха сириттэн 130 күрэстэһээччи, ону сэргэ Кытай айар кэлэктииптэриттэн 200 бэрэстэбиитэл кытынна. Кытай көрөөччүлэрэ Арассыыйаттан кэлбит ыалдьыттары олус үчүгэйдик көрүстүлэр.
Күрэс сүрүн тэрээһинэ тохсунньу 13 күнүгэр Рабочайдар култуураларын дыбарыаһыгар ыытылынна. Маны сэргэ, тэрээһиннэр Сибэтиэй Суоппуйа соборугар, Күннээх арыыга буоллулар. Оҕолорго Харбин к. хореографическай оскуолаларын көрдөрдүлэр.
Саха сирин бастыҥ «Бриллианты Якутии» үҥкүү ансаамбыла 18 эдэр үҥкүүһүтү (7-12 саастаах) илдьэн кытыннарда. Оҕолору төрөппүттэр арыаллаатылар.
Сонун төрдө: СӨ Норуоттар доҕордоһууларын дьиэтэ
