Дьокуускайга тохсунньу 18-20 күннэригэр Күөх хонууга буолуохтаах Кириһиэнньэтээҕи сөтүөҕэ бэлэмнэнэллэр. Сөтүөлүүр сири, бэлэм буоллаҕына, Саха сирин уонна Ленскэй Архиепискоба Роман тиийэн «сибэтии» гыныаҕа.
Манна дьон кэлэригэр-барарыгар, иттэригэр уонна таҥнарыгар сөптөөх бары усулуобуйа тэриллиэҕэ. СӨ Быыһыыр сулууспатын, ИДьМ, мэдиссиинэ уонна да атын туһааннаах тэрилтэ үлэһиттэрэ, казактар икки күн устата дьуһуурустубалыахтара.
Массыыната суох дьону Марат болуоссатыттан төлөбүрдээх оптуобустар таһыахтара: тохсунньу 18 күнүгэр – күнүс 15.00 чаастан түүн 22.00 чааска; тохсунньу 19 күнүгэр – сарсыарда 08.00 чаастан түүн 22.00 чааска диэри.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: Андрей Сорокин
