Тохсунньу 16 күнүгэр Дьокуускайга СӨ Бырабыыталыстыбатын иһинээҕи ЗАГС Управлениетын салаатыгар Арассыыйаҕа биллэриллибит Дьиэ кэргэн сылын иитинэн саҥа сылга бастакынан төрөөбүт оҕоҕо аат биэрэр үөрүүлээх тэрээһин ыытылынна. Михаил уонна Ирина Михайловтар оҕолоругар Одунхаан диэн сахалыы ааты биэрдилэр уонна туоһу сурукка киллэрдилэр.
Төрөппүттэри СӨ Бырабыыталыстыбатын бэрэссэдээтэлэ Ольга Балабкина, СӨ үлэҕэ уонна социальнай сайдыыга миниистирэ Елена Теплякова уонна Дьокуускай куорат уокуруктааҕы дьаһалтатын Уопсастыбаннай сибээскэ уонна ыччат бэлиитикэтигэр начаалынньыга Андрей Михайлов эҕэрдэлээтилэр.
Сонун төрдө: СӨ Бырабыыталыстыбатын уонна Ил Дарханын пресс-сулууспата
