Байыаннай-спортивнай бэлэмнээһин уонна патриотическай иитии киинин тюменнээҕи салаатын базатыгар Саха сириттэн уонна атын регионнартан инструктордары үс ыйдаах бэлэмнээһин саҕаланна. Инструктордар 14-35 диэри саастаах ыччаты аҕыс байыаннай-прикладной хайысханан үөрэтэр буолуохтара.
Киин бэйэтин салааларын Арассыыйа 12 субъегар арыйда уонна атын сиргэ арыйаары бэлэмниир. Онон, инструкторынан үлэлиэхтээх 100 хандьыдааты үөрэтэн эрэллэр. Үөрэҕи саҕалыыр үөрүүлээх тэрээһин Тюмень уобаластааҕы дууматыгар буолла. Инструкторга хандьыдааттары РФ Бэрэсидьиэнин дьаһалтатыттан Сергей Кириенко эҕэрдэлээтэ.
Инструктордары бэлэмниир куурус 620 чаас устата барыаҕа. Кууруһу ааспыттар «Успуорт байыаннай-прикладной көрүҥнэрин инструктора, эбии үөрэхтээһин педагога» диэн квалификациялаах дьупулуом ылыахтара.
Сонун төрдө: СӨ Бырабыыталыстыбатын уонна Ил Дарханын пресс-сулууспата
