Тохсунньу 31 күнүгэр РФ Госдумата иккис уонна үһүс ааҕыыга аармыйа туһунан сымыйа сураҕы (фейк) тарҕатыы уонна Арассыыйаны утары буруйу оҥорууну үбүлүүр иһин баайы-дуолу былдьыыр туһунан сокуону ылынна.
Ол курдук, саҥа уларыйыы быһыытынан, Арассыыйаҕа куттал суох буолуутугар суоһуур үлэни-хамнаһы үбүлүүргэ, аармыйа туһунан сымыйа сураҕы тарҕатарга (РФ ХК 207.3 ыст.), дьону-сэргэни публичнайдык экстремистии дьайыыны оҥорорго ыҥырарга (РФ ХК 280 ыст.) туттуллар эбэтэр онуоха анаммыт баайы-дуолу былдьыахтара.
Саҥа сокуон өтөр Федерация Сэбиэтин бигэргэтиитигэр киириэхтээх, ол кэннэ бэрэсидьиэн илии баттыахтаах. Ити туһунан “Право.ру” суруйар.
Хаартыска: РИА Новости/Алексей Майшев
