Ааспыт икки сыл иһигэр Арассыыйа аармыйатын туһунан сымыйа сураҕы тарҕатыы иһин барыта 273 холуобунай дьыала тэриллибит. Ити ыстатыйанан сууттар, үксүгэр, киһи көҥүлүн аҕыс сылга диэри быһаллар. Ол туһунан Арассыыйа Силиэстийэлиир кэмитиэтин бэрэссэдээтэлэ Александр Бастрыкин тохсунньу 15 күнүгэр отчуоттаабыт.
Бастрыкин этэринэн, 136 киһини утары РФ холуобунай кодексын 207.3 ыстатыйатын 2 чааһынан барыта 134 дьыала тэриллэн, суукка барбыт. Силиэстийэлиир кэмитиэт аармыйаны холуннарыы иһин 81 холуобунай дьыаланы көбүппүт. Онтон суукка 45 киһиэхэ сыһыаннаах 44 дьыаланы ыыппыт.
Санатар эбит буоллахха, былырыын ахсынньыга суут режиссер Иван Вырыпаевы аармыйа туһунан сымыйа сураҕы тарҕаппытын иһин 8 сылга хаайбыта. Сэтинньигэ эмиэ оннук дьыаланан 8 сылга бэлиитик Владимир Милонов*, атырдьах ыйыгар политолог Максим Кац* сууттаммыттара. 2022 сыл ахсынньытыгар Москуба куорат Мещанскайдааҕы суута Москуба куорат Красносельскэй оройуонун дьокутаата Илья Яшины* эмиэ ити ыстатыйанан буруйдаан, аҕыс сыл алта ыйга хаайбыта. Оттон 2023 сыл олунньутугар суруналыыс Вероника Белоцерковская* РФ ХК 207.3 ыст. 2 ч. “д” пуунунан сууттанан, тоҕус сылга барбыта. Ити – биллэр-көстөр, ааттара иһиллэр дьону аҕыннахха.
*Омук ааҕыннарын быһыытынан билиниллибит дьон.
Хаартыска: taganrogprav.ru
