Мэҥэ-Хаҥалас улууһун күнүн бэлиэтиир үөрүүлээх тэрээһиҥҥэ эспиэр Егор Степанов 103 саастаах Ульяна Егоровна Пермяковаҕа "Саха сирин рекордун кинигэтигэр" киирбитин биллэрдэ. Ону туоһулуур сэртипикээти уонна суруктаах-бичиктээх мааны чороону кыайыылаах кыыһа тахсан ылла. Эспиэр Сахабыт сиригэр барыта уон үс 100 сааһын ааспыт аарыма кырдьаҕас баарын бэлиэтээтэ уонна барыларыгар үтүөнү баҕарда.
Санатар буоллахха, ааспыт күһүн "Кыым.ру" аан ситим «Саха сирин рекордун кинигэтигэр» киирэр уһун үйэлээҕи булар соруктаах «Ытык кырдьаҕас» күрэһи тэрийэн ыыппыта. Ол түмүгүнэн Ульяна Егоровна Саха сирин саамай уһун үйэлээҕэ буолбута.
Маны сэргэ, суруктаах-бичиктээх мааны чороону күрэс түмүгүнэн биэс уһун үйэлээх ахсааныгар киирбит 100 саастаах Березкин Алексей Николаевич дьонугар туттардылар. Мэҥэ-Хаҥалас улууһуттан күрэскэ өссө 101 саастаах Матрена Егоровна Киренская кыттыбыта. Хомойуох иһин, кини ааспыт күһүн олохтон туораабыта.
Бэйэ кэр.
Сэҥээриилэр