СӨ Киин быыбардыыр хамыыһыйатын салайааччыта Евгений Федоров иһитиннэриитинэн, Владимир Путиҥҥа Саха сирин 397 051 олохтооҕо, ол эбэтэр быыбардааччы 87,79%-на, куоластаата. Быыбарга барыта 452 366 киһи (71,57 %) кытынна.
«Владимир Путин бары улуустарга 80%-тан элбэх куолаһы ылла, ол иһигэр 21 улуус 90%-тан элбэҕи биэрдэ. Биэс инники тахсыбыт улуус ахсааныгар Анаабыр национальнай долгаан-эбэҥки улууһа, Амма, Дьааҥы, Нерюнгри уонна Бүлүү киирдилэр. Дьокуускайга Владимир Путиҥҥа нэһилиэнньэ 82,23%-на куоластаата», – диэн кини түмүгү билиһиннэрдэ.
Владимир Путин кэнниттэн куоластар маннык буоллулар: Владислав Даванков 21 376 (4,73%), Николай Харитонов – 19524 (4,32%), Леонид Слуцкай - 7 968 (1,76%). Быыбар хайдах ааһарын хандьыдааттартан, РФ уонна СӨ Уопсастыбаннай палаататыттан 2560 бэрэстэбиитэл кэтээн көрдө. Быыбар кэмигэр туох эмэ кэһии тахсыбытын туһунан биир даҕаны иһитиннэрии, үҥсүү киирбэтэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
