Эрэгийиэннээҕи суһал ыстаап киинэ иһитиннэрэринэн, бүтэһик суукка иһигэр 41 киһи саҥа хоруона вируһунан ыарыйда. Стационарга ыалдьааччы - 25,3%, уоннааҕылар, ол эбэтэр 74,7% дьиэттэн эмтэнэллэр. Күн иһигэр 63 киһи үтүөрбүт.
Дьокуускай куоракка ыалдьыбыт киһи ахсаана – 17,
Мииринэйгэ – 5,
Нерюнгрига - 4
Бүлүүгэ, Ленскэйгэ, Ньурбаҕа – 3-түү,
Горнай, Муома, Таатта оройуоннарыгар – 2-лии.
Суукка иһигэр өрөспүүбүлүкэ лабаратыарыйаларыгар саҥа хоруона вируһун булууга 1870 чинчийии оҥоһуллубут. Хамсык саҕаланыаҕыттан 2 339 473 тиэст чинчийиллибит. Ордук күүскэ ыалдьыбыт дьон быһыыны ылбатахтар эбит.
