Киирии

Киирии

Саҥа киин тутуута өрөбүлү кытары аахсыбакка ыытыллар.

Сыбаарка уота кытыастан олорор, автокран тохтоло суох таас болуоктары үөһэ таһаарар. Кыраапыктан хойутаан иһэр буоланнар, тэтимнээхтик туталлар. Бүрүөһүнэ маҥан өҥнөөх буолан, эбийиэк ыраахтан ала-чуо көстөр. Манна Беларусь судаарыстыбатын тутааччыларыттан турар “Веста” фирма үлэлиир. «Армада» тутуута “Юбилейнай” эргиэн Киинин утары дьэндэйэр. Итинэн көрдөххө, биир тиһик эргиэн комплекса буолсу. Тутуу 14.989 кв.м иэннээх буолан, туох да киэҥ сири ылар. Бу тутууну ордук ыраах сиртэн кэлээччи дьоҥҥо – вахтовиктарга, туристарга, командировкалаахтарга, тыаттан кэлэн бородууксуйаларын батарааччыларга суоттаммыттар. Бэл, ыраахтан айаннаан кэлээччи дьон массыыналарын туруорар сирдэрин кытары бырайыакка киллэрбиттэр. Мииринэй куоратыгар аhыыр да, хонуктуур да сир боппуруоhа мөлтөх. Көстүүнэйдэр сыаналара олус ыарахан буолан, ааhар, кэлэр-барар дьон эрэйдэнээччилэр. Сотору ол быhаарыллыахтаах.

mir

Тутуллар эргиэн киинигэр 156 миэстэлээх кафе, 96 миэстэлээх арыый удамыр сыаналаах нүөмэрдэрдээх көстүүнэй баар буолара бырайыактаммыт. Манна эбии 150 эргиэн миэстэтэ баар буолара былааннанар. Онон, Мииринэй куоратыгар эргиэн-урбаан ситимигэр бэрт сэргэх уларыйыылар күүтүллэллэр. Сорох дьон бачча кыра куоракка тугу барыыһыраары бачча баараҕай эргиэн киинин дьэндэтэллэр диэн мунаараллар.

mir1

Бу тутууну “Архиград” диэн Новосибирскай куорат пиирмэтэ дьэндэтэр.

Бука тугу эрэ толкуйдаабыттара буолуо.

Станислав Алексеев, Мииринэй куорат.

Тарҕат:

Ырытыыгын суруй

Защитный код
Обновить

Бүтэһик сонуннар