Войти

Войти

Бу өрөбүлгэ, атырдьах ыйын 25 күнүгэр, АЛРОСА генеральнай дириэктэрэ Сергей Иванов Иирэлээх сир баайын хостуур полигоннарын эргийэ көтөн баран, экологтары уонна хампаанньа быһыттары, суоллары, тутуу хоруобуйаларын о.д.а. чөлүгэр түһэриигэ үлэһэр дьонун кытта сүбэ мунньах ыытта.

"Ааспыт нэдиэлэ бүтүүтэ халаан уута Иирэлээх полигоннарыгар буор даамбалары уу суурайбыт сирин көрөн кэллибит. Билигин даамбалары чөлүгэр түһэриигэ күүстээх үлэ бара турар. Бүгүҥҥү күҥҥэ 7-с нүөмэрдээх даамбаны чөлүгэр түһэрдибит. Салгыы атын даамбалары чөллөрүгэр түһэрии – сүрүн сыалбыт буолар.

Нэдиэлэ анараа өттүгэр Аччыгый Ботуобуйа уутун таһыма олус үрдээн, элбэх тырааныспар хаайтаран турдаҕына, АЛРОСА Мииринэйдээҕи суолу өрөмүөннүүр управлениета (МУАД) оҥорон сырыы салҕанна", - диэн Сергей Иванов эттэ.Ол иннинэ хампаанньа "Анаабыр" (Лиэнскэй - Мииринэй) массыына суола эмсэҕэлээбитин чөлүгэр түһэрбитин санатта.

АЛРОСА баһылыга Ирэлээххэ уу таһымын соһуччу тахсыытын Мииринэй оройуонугар атырдьах ыйын 16 – 18 күннэригэр нуорманы хадьайар сөҥүү түспүтүттэн диэн быһаарда. Баара-суоҕа биир күн иһигэр ыйдааҕы нуорматтан 1,5 төгүл элбэх сөҥүү түһэн саахал таҕыста. Ол курдук, маннык көстүү бүтэһигин 1959 сыллаахха буола сылдьыбыт диэн күн-дьылы кэтээн көрөөччүлэ этэллэр. Салгыы даамбалары бөҕөргөтөр үлэни таһынан, өрүскэ уу хаачыстыбатын бэрэбиэкэлиир үлэ күн ахсын ыытыллыа диэн АЛРОСА генеральнай дириэктэрэ тоһоҕолоото.

Тарҕат:

Добавить комментарий