Киирии

Киирии

Балаҕан ыйын 7 күнэ. Айылҕабыт бу иннинэ, эмиэ да ардыы, эмиэ да хахсаат тыаллана сырытта.

Хата, дьаарбаҥка күн сөрүүнү аахсыбатахха, чэмэлкэй буолла диэн үөрэбит. Мииринэй куорат «Юбилейнай» атыытын-эргиэнин киинигэр, дьон-сэргэ мэлдьи да буоларын курдук күргүөмүнэн тоҕуоруста.

mir

Бүгүн «Ситим» медиа-бөлөх уонна Саха өрөспүүбүлүкэтин Тыатын хаhаайыстыбатын министиэристибэтин, Мииринэй оройуонун дьаһалтатын сорунуулаах тэрийиилэринэн, үрдүкү таһымнаах «Алмаастаах күhүн-2018» ас-үөл дьаарбаҥката ыытылла турар. Быhаас «Байдам-2018» дьаарбаҥкатын минньигэс астарыттан Мииринэй олохтоохторо бэркэ диэн амтаhыйан тураллар.

mir1

mir2

Бу да сырыыга быйыл күһүҥҥү тэрээhин сүрдээх өрө көтөҕүллүүлээх буолла диир оруннаах.

mir3

Ырыынакка истэри-тастары – атыы-тутуу оргуйан олорор.

mir4

Мииринэй «Юбилейнай» атыытын киинигэр олохтоох оҕуруот аhын арааhын – хортуоппуйу, хаппыыстаны, оҕурсуулары, помидордары, баклажаннары, тыкваны, моркуоптары, сүбүөкүлэни, биэрэстэри, сир аһын: клюкваны, консервацията суох оҥоһуллубут бородууксуйаны , манна сэдэх, букатын сибиэһэй Саха сирин сыырдарын, үүт аhылык эгэлгэтин, дэлэччи тардан тураллар. Көрүөххэ үчүгэйэ, байыма сүрдээх. Мииринэйдэр да хамаҕатык атыылаһа сылдьаллар.

mir13

mir12

mir10

mir5

mir6

Бу сырыыга Сунтаар улууһуттан кыттааччылар элбэхтэрэ ала-чуо харахха быраҕыллар.

mir7

Манна атыылыы кэлбиттэр: “Милк-Ас”( Түбэй-Дьаархан), «Сулус»(Уһун-Күөл), “Табаҕа”(Кириэстээх) “Тускул”(Күндэйэ), “Күүкэй»(Күүкэй), “Хочо”(Тойбохой) СХКПтар, “Северное сияние” фирма (Сунтаар сэлиэнньэтэ) .

mir8

mir9

mir11

Атыылыыр эрээттэргэ бэркэ билэр киһибин – Николай Семенович Андреевы көрсөн, аҕыйах тылынан быраҕыстыбыт.

—Мин куруук Кириэстээх “Табаҕа” фиирмэтин үүтүн бородууксуйатын атыылаһааччыбын.Бу сырыыга, «Милк-Ас”, “Северное сияние” диэн Сунтаар улууһун хаһаайыстыбаларын бородуукталарын биһирии көрдүм.

Оттон кэргэннии Руденколар 600 солк. ынах арыытын, 50 эрэ солкуобайга киилэ аҥаара суораты атыыласпыттар.

– Сунтаардар сыаналара чэпчэки эбит. Бэртээхэй, аны инникитин да кэлэ тураллара буоллар, – диир хаһаайка –Нина Петровна.     Онон ыаллыы Сунтаар улууһуттан бородууксуйа дэлэгэйдик кэлбит.

Дьэ ити курдук, Мииринэйгэ сэргэх күн үүннэ.

Мин уруккуттан Саха сирин тыатын улуустарыгар оноhуллубут бородууксуйаны батарар фирменнэй атыы-тутуу киинэ туталлара уолдьаста дии сатыыбын. Маны учуоттаан, оройуоммут салайааччылара бу кэскиллээх дьыаланан дьарыктаналлара буоллар диэн баҕа санаабын ыһыктыбаппын.

Бу тэрээһин спонсордарынан Мииринэй улууһун уонна куоратын дьаһалтата, "Профалмаз" профсоюз уонна "Биир ньыгыл Арассыыйа" баартыйа буоллулар.

Станислав Алексеев. Мииринэй куорат.        

Ааптар хаартыскалара.

Тарҕат:

Ырытыы  

Иван пенсионер
+3 Иван пенсионер 09.09.2018 08:42
Маладьыастар чахчы.
Ответить
Иван пенсионер
+1 Иван пенсионер 09.09.2018 08:43
Мирнэйгэ сахалыы ас тар5атыахха наада. Кафе. Ресторан якутской кухни.
Ответить

Ырытыыгын суруй

Защитный код
Обновить

Бүтэһик сонуннар