Войти

Войти

Абый улууһун Белай Гора бөһүөлэгин олохтооҕор тыатааҕы саба түспүт. Дьахтары бөһүөлэк килбэйэр киинигэр тыатааҕы тыыннаахтыы тырыта тыыта сыспыт. Дьолго, дьон көрөн быыһаан ылбыт. Быһылаан балаҕан ыйын 10 күнүгэр буолбут. Балаҕан ыйын 15 күнүгэр Абый улууһун айылҕа харыстабылын иниспиэктэрдэрэ саба түспүт тыатааҕыны бултаатылар.

“Чахчы инник быһылаан буолбута. Биһиги түргэн үлүгэрдик биригээдэ хомуйбуппут уонна саба түспүт эһэни бултуурга көҥүл ылбыппыт. Уопуттаах сонордьуттар субуота күн тыатааҕыны өлөрбүттэрэ. Тыатааҕы 3-4 саастаах” , — диэн улуустааҕы айылҕа харыстабылын иниспиэксийэтин салайааччытын эбээһинэһин толорооччу Иван Сорокоумов иһитиннэрэр.

Кини этэринэн, эмсэҕэлээбит дьахтар самыытынан эчэйиини ылбыт. Маны таһынан, иниспиэксийэ Киэҥ Күөлгэ торҕоҥнообут тыатааҕылар кииритэлээбиттэрин хонтуруолга ылбыт.

“Киэҥ Күөл нэһилиэгэр күн устата дьуһуурустуба олохтоммута. Күн ахсын нэһилиэк баһылыгын кытары сибээскэ баарбыт. Онно биир эһэ сылдьар дииллэр. Ону бултуурга көҥүлү ылан турабыт” , — диир Иван Сорокоумов.

Тарҕат:

Комментарии

Защитный код Обновить