Киирии

Киирии

Саха өрөспүүбүлүкэтин тоҕус куората кыра куораттар уонна историческай сэлиэнньэлэр бүтүн Арассыыйатааҕы куоҥкуруһун иккис түһүмэҕэр ааста. Бириис пуондата – 5 млрд солк. Кыайыылаахтар 30-100 мөл солк ылыахтара.

Бу куоҥкурус аан бастакытын ааспыт сыллаахха буолбута. Быйылгы куоҥкурус икки түһүмэҕэр Нерюнгри, Ленскэй, Алдан, Мииринэй, Бүлүү, Удачнай, Покровск, Ньурба уонна Дьааҥы аастылар. Архитектура уонна куораты тутуу салалтата, куорат эйгэтин боппуруостарыгар боломуочуйалаах киин түөрт номинацияҕа тоҕус дизайн-бырайыагы бэлэмнээн ыыттылар.

Өрөспүүбүлүкэҕэ 12 куорат баар. “Былырыыҥҥы куоҥкурус түмүгүнэн Өлүөхүмэ кыайан „Спасское селение“ историческай паарка тутуутугар 30 мөл солк ылбыта. Билигин култуурнай нэһилиэстибэ эбийиэктэрин департамена Бүлүү уонна Өлүөхүмэ куората историческай сэлиэнньэ статуһун ылалларыгар үлэ ыытар”, – диэн куорат эйгэтин боппуруостарыгар боломуочуйалаах киин үлэһиттэрэ кэпсииллэр.

Куоҥкуруска дойду 77 субъегыттан 330 сайаапка киирбит. Техническэй экспертизаны 37 сайаапка ааспатах. “Сайаапка ахсаанынан Саха сирэ 5-6 кэрчиккэ турар. Тоҕус сайаапка барыта техническэй экспертизаны ааста”, — диэн киин үлэһиттэрэ иһитиннэрэллэр.

Кыайыылаахтары куоҥкурус федеральнай хамыыһыйата талар.

Тарҕат:

Комментарии

Защитный код Обновить