Киирии

Киирии

Мэҥэ Хаҥаласка сэрии кэмин оҕолоро аан бастакытын муһуннулар.  Улуус уопсастыбаннаһа ол ыарахан, аас-туор сылларга улахан дьону кытта тэҥҥэ кыайыы туһугар турууласпыт көлүөнэ дьонун чиэстээтэ.

Мэҥэ Хаҥаласка «Сэрии кэмин оҕолоро» тэрээһин үрдүк таһымнаахтык ыытылынна. Майа сэлиэнньэтин «Кэскил» (салайааччы Парасковья Алиева), «Сыроватскай» (Варвара Филиппова), «Сардаҥа» (Светлана Дьяконова), «Сэбиэскэй» (Людмила Пивоварова), «Сайдыы» (Александра Кузьмина), «Арыы тыа» (Дмитрий Титов), «Мелиоратор» (Галина Федорова) түөлбэлэр көхтөөх кыттыыны ыллылар. Үөрэх салалтатын идэлээх сойууһун бэрэссэдээтэлэ Степан Андреев өйөбүлүнэн «9 Маайынан» диэн суруктаах кыһыл былааҕы Киин трибунаҕа ыҥырыллыбыт ытык дьоҥҥо туттардылар. Сэрии кэмин оҕолоро баһылык Дмитрий Тихонов, Майа дьокутааттарын Сэбиэтин бэрэссэдээтэлэ Павел Судикоилии баттааһыннаах эҕэрдэ суруктары туттулар.  «Түһүлгэ» уопсастыбаннай түмсүү (салайааччы Евдокия Семенова), аҕа сүбэтэ түмсүү Сэбиэтин бэрэссэдээтэлэ Юрий Беляев, ОБТ «Кыталык» уопсастыбаннай түмсүү (салайааччы Людмила Пивоварова), Степан Копырин, Сергей Давыдов, Вероника Неустроева, Сардаана Осипова салайааччылаах квартет ырыанан-үҥкүүнэн сэргэхситтилэр. Салайааччылар Дмитрий Иванович, Павел Жирков сэрии кэминээҕи ырыаларынан эҕэрдэлээн тыыл бэтэрээннэрин сүргэлэрин көтөхтүлэр. Тэрээһини «Айар Майа» түмсүү, Анатолий Чичахов хоһоонноро киэргэттэ. Мэҥэ Хаҥалас улууһун Компартиятын иккис сэкирэтээрэ, улуустааҕы «Сэрии сылларын оҕолоро» түмсүү бэрэссэдээтэлэ Прокопий Тарабукин аалай кыһыл баанчыгы бэтэрээннэргэ туттарда. Өрөгөйдөөх бырааһынньыгы Валерия Яковлева, Елизавета Попова, Александр Антонов иилээн-саҕалаан ыыттылар. Урукку сылларга уһуллан үйэтитиллибит киинэлэргэ аҕа саастаах көлүөнэ чугас дьонун – эһэлэрин, эбэлэрин  көрөн долгуйа үөрдэ. Ити курдук, «Сэрии кэмин оҕолоро» диэн саҥа ыстаатыстаммыт аҕа көлүөнэ дьон тэрээһинтэн үөрэн-астынан тарҕастылар.

Сэрии сылларын оҕолоругар анаммыт бастакы тэрээһини «Майа сэлиэнньэтэ» МТ баһылыга Дмитрий Тихонов, дьокутааттар Сэбиэтин бэрэссэдээтэлэ Павел Судико, түөлбэлэри кытары үлэҕэ исписэлиис Евдокия Решетникова, «Түмэн» уопсастыбаннай түмсүү салайааччыта Мария Лукина, «Сэрии кэмин оҕолоро» уопсастыбаннай түмсүү салайааччыта Николай Андреев, бэтэрээннэр Сэбиэттэрин бэрэссэдээтэлэ Павел Жирков көҕүлээтилэр. Урбаанньыт Егор Гаврильев микроавтобуһунан ыҥырыылаах ыалдьыттары таста. Мария Сергеева, Людмила Дьяконова түөлбэлэрин олохтоохторун кытта ыкса ситимнээхтик үлэлээн, сэрии сылларын оҕолорун чопчулаан, тэрээһиҥҥэ кэлэллэрин ситистилэр. Тэрийээччилэр күүс-көмө буолбут «Эйгэ» өрөспүүбүлүкэтээҕи уопсастыбаннай түмсүүгэ (Валентина Васильева), «Манчаары» (Кузьма Бурнашев), «Оскар» (Роберт Винокуров),  «Лира+» (Валентин Кычкин) маҕаһыыннарга, «Алекс» такси сулууспатыгар, «Автоледи» түмсүү (Ньургуйаана Охлопкова), «Камила» (Сергей Дегтярев), «Кристина» (Ольга Николаева), «Мозаика» (Мария Уваровская) маҕаһыыннарга барҕа махталларын тиэрдэллэр.

Марелла Баишева, ulusmedia

Тарҕат:

Комментарии

Защитный код Обновить

Болҕойуҥ ! Чэпчэтиилээх сурутуу саҕаланна!

kyym podpiska