Киирии

Киирии

От ыйын 16 күнүгэр Ил Дархан Айсен Николаев төрөөбүт дойдутугар Үөһээ Бүлүүгэ сырыытыгар, олохтоох тыа хаһаайыстыбатын тэрилтэлэрин үлэтин-хамнаһын билистэ.

Үөһээ Бүлүүгэ үүтү соҕотуопкалыыр собуокка сэппэрээтэр, холодильник уонна дизельнэй генератор тиийбэт буолан, кэккэ кыһалҕалары үөскэтэр. Билигин собуот уон төгүл кыраны, ол эбэтэр биир симиэнэҕэ 1,5 туонна үүтү соҕотуопкалыыр. Ол да буоллар суорат, сүөгэй, кефир уонна 5 көрүҥ йогурт оҥоһуллар.

Ороһу нэһилиэгэр 120 төбөҕө анаммыт хотон үлэлиир. Билигин манна 322 төбө хороҕор муостаах баар. Олортон 91 ынах. Ааспыт сыл түмүгүнэн тыа хаһаайыстыбатын кэпэрэтиибэ соҕотуопкаҕа 111 туонна үүтү туттарбыт.

5d2e87185baee

Ороһуга Ил Дархан Александр Тюляховы кытта көрүстэ. Александр 142 төбө ынах сүөһүлээх баайынай, фермерскэй хаһаайыстыба салайааччыта. 2017 сыллаахха Исидор Барахов аатынан урукку сопхуос быраҕыллыбыт хотонун саҥардан, тиэхиньикэ, сүөһү атыылаһан, тыа хаһаайыстыбатын министиэристибэтин гранынан биир дойдулаахтарын үлэнэн хааччыйбыт. Ону таһынан, эдэр фермер 15 км күрүө туппут, 48 га сири оҥорон от ыспыт.

Айсен Сергеевич эдэр үлэһиккэ ситиһиилэри баҕарда, ыччакка холобур буоларын эттэ уонна бырабыыталыстыбаттан көмөнү эрэннэрдэ.

Эдэр дьон салайааччылаах бааһынай хаһаайыстыбалар баар буолаллара олус үчүгэй. Кинилэр үүнэр көлүөнэ ыччакка холобур буолаллара саарбаҕа суох. Биһиги кинилэри өйүөх эрэ тустаахпыт”, – диэн Айсен Николаев эттэ.

5d2e870f16d23

News.Ykt.Ru

Тарҕат:

Комментарии

You have no rights to post comments

Бүтэһик сонуннар