Алтынньы ый номнуо бүтэн эрэр. Мииринэйдээҕи Дьарыктаах буолуу киин бу ыйдааҕы бакаансыйаларын билиһиннэрэбин.
Саха дьоно ньиэп-гаас хостуур Орто Ботуобуйатааҕы сиригэр “ТаасҮрэхнефтегаздобыча» тэрилтэҕэ (“Роснефть”) баран эрэллэр эбит. Бүгүҥҥү күннээҕи туругунан, ньиэп-гаас тэрилтэтигэр 33 саха дьоно үлэлиир. “ТаасҮрэхнефтегаздобычаҕа” күн бүгүн маннык бакаансыйалар бааллар:
Сүрүннүүр геолог – Ленскэй оройуона, хамнаһа 70 616 солк.
Сүрүннүүр инженер-мэхээнньик – ньиэби хачайдыыр учаастак, хамнаһа 80 031 солк.
Ньиэби хостуур сыах салайааччытын солбуйааччы, хамнаһа 105 925 солк.
Компримированнай (ыгыллыбыт) гааһы бэлэмниир сыах салайааччыта, хамнаһа 96 037 солк.
Супервайзер (скважиналар, үлэ хаамыытын эппиэттиир), хамнаһа 94 155 солк.
Атын ньиэп-гаас хампаанньата “РНГ” сүрүннүүр археологы үлэҕэ ыҥырар. Бу идэҕэ археологияны эндэппэккэ билэр, үрдүкү үөрэхтээх киһи ирдэнэр. Биэс сыл ыстаастаах буолуохтаах. Үлэ көрдөөччү “AutoCad” уонна “Mapinfo” диэн көмпүүтэр бырагарааммаларын билиэхтээх. Хамнаһа 95 000 солк.
Эмиэ бу хампаанньаҕа “1С вахта” көмпүүтэр бырагараамматын билэр киһи ирдэнэр. Хамнаһа 80 000 солк.
УМТС-ка Үөһээ-Мууна урууда хостуур тиһигэр (Верхне-Мунское месторождение) нефтебаза салайааччытын солбуйааччы ирдэнэр. Ыстааһа үс сыл буолуохтаах, хамнаһа 116 480 солк.
Удачнайдааҕы ХБК тэхиниичэскэй хааччыллыы салаатыгар (Техническое перевооружение) салайааччыны солбуйааччы ирдэнэр. Хамнаһа 97 500 солк.
УХБК урууда хостонор сиригэр боруоданы дэлби тэптэрээччи, маастар ирдэнэр, хамнаһа 140 000 солк.
Эмиэ Удачнайдааҕы ХБК “Зарница” карьерга сыах салайааччытын солбуйааччы бакаансыйата баар. Хамнаһа 140 842 солк.
Мииринэйдээҕи ХБК РССУ-га (Өрөмүөннүүр сир) учаастак начаалынньыга ирдэнэр, хамнаһа 70 700 солк.
Мииринэйдээҕи ХБК “Иирэлээх” бириискэтин учаастагын салайааччы наада, хамнаһа 86 292 солк.
“Якутскэнергоҕа” ЗЭС-кэ (Западные электрические сети) хамнаһа үрдүк диэн суруйбутум. Манна Удачнайга үлэлииргэ анаан бырамыысалынас сулууспатын салайааччыта ирдэнэр. Хамнаһа 129 467 солк.
ЗЭС Үлэ харыстабылын уонна хонтуруолун сулууспатын салайааччытын солбуйааччы, хамнаһа 88 086 солк.
ЗЭС электромонтер, хамнаһа 76 813 солк.
ЗЭС подстанцияҕа электромонтер, хамнаһа 85 218 солк.
ЗЭС “Якутскэнерго” биир бөдөҥ тэрилтэтэ. Бэртээхэй хамнастаах, соцбакыаттаах тэрилтэ. Энэргиэтиктэргэ аналлаах ханнык бакаансыйа баарын хас эмэ сылы быһа суруйа олоробун. Үлэһиттэри түргэнник булуохтара, онон ыйыталаһыҥ.
Арыылаахха 50 000 солк хамнаска акушер бырааһы ыҥырбыттара быданнаата. Ким да барбата.
Мииринэй тыйаатырыгар көстүүмнэри бэлэмнээччи (костюмер) ирдэнэр, хамнаһа 52 000 солк.
“Алмаастаах күһүн” судаарыстыбаннайа суох биэнсийэ пуондатыгар юрист ирдэнэр. Хамнаһа 70 000 солк.
Мииринэй оройуонугар учуутал төрүт тиийбэт. Эдэр уолаттар уонна кыргыттар манна учууталлыы отойун кэлбэттэр. Холобур, Сүлдьүкээргэ учууталларга үчүгэй хамнас төлүө этилэр. Үөрэнээччи да аҕыйах. Баара-суоҕа 40-ча оҕолоох оскуола. Ким да ол диэки барбат. Таас-Үрэххэ, Арыылаахха эмиэ дьулуспаттар. Мииринэй оройуонун учууталлара Саха сиригэр саамай үрдүк хамнаһы ылалларын истэр буолуохтааххыт. Уопуттаах педагогтар хамнастара үрдүк. Биһиги дьоммут хаһан “уһуктуохтарыгар” диэри, соҕуруу дойду эрэттэрэ үчүгэй үлэлэри үллэстибиттэрэ ыраатта. Мииринэй Дьокуускай буолбатах. Астаах, хамнастаах тэрилтэҕэ киирэргит буоллар, олус да абыраныа этигит.
Станислав Алексеев, Мииринэй к.
