Войти

Войти

Ил Түмэн онус ыҥырыылаах мунньаҕа буола турар. Онно 2019 сыллаах бүддьүөккэ уларытыылары киллэрэр туһунан көрдүлэр.

Үп миниистирэ Валерий Жондоров бүддьүөтү бэрээдэктээһиҥҥэ туох үлэ ыытыллыбытын отчуоттаата. Ол гынан баран, дьокутааттар ыйытыыларыгар чопчу сыыппараларынан буолбакка, мэлдьи буоларын да курдук уопай тылынан эрэ эппиэттээтэ.

Ил Түмэн дьокутаата Елена Голомарева:

— Табаһыттарга көрүллүбүт үптэн 77 мөл. солк. ылан быраҕан кэбистигит. Ону таба ахсаана аччаабытынан, төбөҕө көрүллэр субсидия кыччаан биэрэрин кытары сибээстээх диэн быһаардыгыт. Кырдьык, таба ахсаана улаханнык аччаата. Аны туран, 72 табаһыт үлэтэ суох хаалла. Бу дьон оччотугар тугу гынар? Үлэтэ суох олороллор дуо? Маныаха бырабыыталыстыба быһаарыыны ылара уолдьаста. Маны таһынан, соторутааҕыта Дьааҥы улууһугар баран кэллим. Онно "40 куойка сабыллар, 31 ыстаат сарбыллар" диэн айманаллар. Арктиканы тыытыа суох буолбуккут дии?

Бырабыыталыстыба бэрэссэдээтэлин солбуйааччы Ольга Балабкина “Дьааҥыга ханнык да ыстаат сарбыллыбат, куойка сабыллыбат” диэтэ. Маны таһынан, табаһыттарга бырабыыталыстыба альтернативнай быһаарыыны ыларга үлэлэһэ сылдьарын эттэ.

Тарҕат:

Комментарии

Защитный код Обновить