Өрөспүүбүлүкэҕэ биэс сыл иһигэр хотугу таба ахсаана 170 тыһыынчаҕа тиийэ элбээтэ. Манна 2019 сылтан үлэлиир Бэрэсидьиэн бырайыагын иитинэн тыа хаһаайыстыбатын төрүт көрүҥнэринэн дьарыктанар тэрилтэлэри өйүүр «Аччыгый уонна орто урбаан» грант төһүү буолла.
Ол курдук, 2024 сылга 28 мөл. солкуобайы «Эдэр табаһыт» тосхолго ыытыахтара. Манан таба иитиитинэн түөрт сылтан кылгаһа суох кэмҥэ дьарыктанар 35 диэри саастаах табаһыттар 1 мөл. солкуобайдаах социальнай төлөбүрү ылыахтара. Көмөнү туһаммыт табаһыт салгыы бу эйгэҕэ биэс сыл үлэлиэхтээх. Тосхол 2021 сылга диэри Арктика зонатыгар эрэ үлэлээбит буоллаҕына, аны Саха сирин бүттүүнүгэр үлэлиир. Маннык өйөбүлү үс сыл иһигэр 50 киһи туһаммыт.
Маны сэргэ, 2023 сылтан сылгыны үөрүнэн иитиини өйүүр субсидия ыстаапката биир биэҕэ 3 тыһыынчаттан 5 тыһ. солкуобайга тиийэ үрдээтэ. Хотугу табаны иитии өйөбүлүгэр биир табаҕа 4995,5 солк. оннугар 5335,4 солк. көрүллэр буолла.
Сонун төрдө: СӨ Бырабыыталыстыбатын уонна Ил Дарханын пресс-сулууспата
