Киирии

Киирии

Бүгүн, сэтинньи 14 күнүгэр “Горпечать” ХЭТ өрөспүүбүлүкэтээҕи кырдьаҕастар дьиэлэригэр сурутуу ыытта. Олохтоохтор хаһыат, сурунаал арааһын суруттардылар, сэмэй бэлэхтэри туттулар. Ону таһынан, Альбина Дегтярева хомуска оонньоон мустубут дьону сэргэхситтэ.

Манна 150-чэ кырдьаҕас биир дьиэ кэргэн курдук олус иллээхтик олороллор. Бастакы этээскэ көмпүүтэр кылааһа, саахыматтыыр, билийээрдир сир, бибилэтиэкэ, остолобуой, актовай саала баар эбит. Кырдьаҕастар олохторун-дьаһахтарын, ордук тугу сөбүлээн ааҕалларын туһунан билээри ыйыталастым.

20191114 112630s

20191114 120913s

20191114 120941s

20191114 121124s

20191114 121146s

Валентина Гаврильева:

– Мин Дьокуускай куорат олохтооҕобун, суруйааччыбын. “Кыым” хаһыаты олус сөбүлээн ааҕабын. Эдэр сылдьан “Кыым” хаһыакка корректорынан үлэлээбитим. Ол ырааттаҕа дии. Онтон уларыйыы-тэлэрийии кэмигэр “Саха сирэ” хаһыакка көһөн Бэчээт дьиэтигэр үлэлээбитим. Инньэ гынан, “Кыым” хаһыаты түбэстэхпинэ утаппыттыы ааҕабын. Ордук сонуннары уонна биллэр-көстөр дьон туһунан суруйуулары сөбүлүүбүн.

Альбина Николаевна:

20191114 114557s

– Мин Таатта улууһуттан төрүттээхпин, 79 сааспар бардым. Манна олорбутум 11-с сыла буолла. “Кыым” хаһыаты суруппатарбын даҕаны, маннааҕы бибилэтиэкэҕэ куруук көрөбүн, ааҕабын. Кэнники сылларга олус интэриэһинэй ыстатыйалары таһаарар буоллулар. Ол олус кэрэхсэбиллээх. Сөбүлээн ааҕар суруналыыстарым ааттарын төрүт умнан кэбистим. Кинилэр урукку сылларга суруйаллар этэ. Манна олохпут-дьаһахпыт үчүгэй. Араас куруһуоктар буолаллар. Холобур, баайарга, кумааҕынан, таҥаһынан арааһы барытын оҥорого үөрэтэллэр.   Ону таһынан, ырыа ансаамбыла баар. Быйыл чугас улуустарга уонна куораттааҕы сонотуоруйдарга гостуруоллаабыппыт.

Никитин Сергей Афанасьевич:

– Мэҥэ Хаҥалас Матта нэһилиэгиттэн сылдьабын. Манна олорбутум 4-5 сыл буолла. Интэринээт олоҕо үчүгэй. Итэҕэс-быһаҕас баар диэн этэр кыаҕым суох. Кинигэ ааҕар этим да хараҕым   аһара мөлтөөтө. Үчүгэйдик көрөрүм буоллар эһиги да хаһыаккытын ааҕыа этим.

Пестрякова Маргарита Гаврильевна:

20191114 115331s

– Мин Чурапчыттан сылдьабын, быйыл 67 сааспын туоллум. Манна олорбутум онус сылыгар барда. Интэринээппит наһаа үчүгэй, үлэһиттэр туох баарынан көмөлөһө сатыыллар. Манна Чурапчыттан 18 киһи баар. Мин араас култуурунай тэрээһиннэри ыытааччынан үлэлиибин уонна биир дойдулаахтарым түмсүүтүгэр ыстаарасталыыбын. “Кыым” хаһыакка ордук абааһы, иччи туһунан кэпсээннэри сөбүлээн ааҕабын. Бэлиитикэни эҥин олох сэҥээрбэппин.

Оконешников Афанасий Иванович:

20191114 115841s

– Чурапчы Чыаппаратыттан сылдьабын. Манна олорбутум 10-11 сыл буолла. Үчүгэйдик олоробут. Мастарыскыайга уһанабын, олоппос, ыскамыайка оҥорбутум уонна кыылы-сүөлү уруһуйдуурбун   сөбүлүүбүн. “Кыымы” куруук сурутабын. Ордук кэпсээннэри ааҕарбын сөбүлүүбүн.

Винокуров Николай Ильич:

20191114 120752s

– Өймөкөөн улууһуттан кэлбитим, эһиил 80 сааспын туолабын. Манна 2013 сылтан олоробун. “Кыымҥа” уонна “Аар тайҕа” хаһыакка суруттардым. Урут бултуур этим, онон булт-алт туһунан ааҕарбын сөбүлүүбүн. Ону таһынан, тыа хаһаайыстыбатын, былыргы олох-дьаһах туһунан уонна абааһылаах кэпсээннэри ааҕабын. Бултуу сылдьан айылҕа дьиктитин, тыатааҕы эҥин туһунан “Кыымҥа” суруйан ыытар этим. Билигин хараҕым мөлтөөн суруйарым тохтоон турар.

Венера ОХЛОПКОВА

Тарҕат:

Комментарии

You have no rights to post comments

Бүтэһик сонуннар