Войти

Войти

Сарсыҥҥыттан, олунньу 20 күнүттэн, Кытай Норуодунай Өрөспүүбүлүкэтин олохтоохторо Арассыыйа кыраныыссатыгар киириилэрэ бобуллар буолла.

Бу туһунан коронавирус тараҕанарын бохсор оперативнай ыстаап салайааччыта, вице-премьер Татьяна Голикова мунньах кэнниттэн эппит.

Инньэ гынан, маннык хааччах Арассыыйаҕа үлэлии, үөрэнэ, биисинэстии, туристыы уонна чааһынай бэрээдэгинэн кэлээччилэргэ сыһыаннаах буолуоҕа. Хааччах биһиги дойдубутугар саҥа ыарыы киирбэтин, тарҕамматын туһугар быстах кэмҥэ киирдэ.

Маны таһынан, оперативнай ыстаап быһаарбытынан, Кытай олохтоохторуттан Арассыыйаҕа үлэлии кэлэр докумуоннарын оҥорууну уонна ыҥырыыны тохтотулар. Маннык миэрэ Арассыыйа таһыгар олорор Кытай бары гражданнарыгар тарҕанар. Бүгүҥҥүттэн кытайдарга Арассыыйа үөрэҕин кыһаларыгар ыҥырыы, виза биэриитэ тохтотуллар. Маннык дьаһал туристарга уонна чааһынай бэрээдэгинэн кэлээччилэргэ эмиэ тарҕанар. Маныаха туһааннаах уурааҕы саҥа премьер Михаил Мишустин таһаарбыт.

Бу иннинэ РЖД Кытайга пассажирдары таһыыны тохтоппута, итиэннэ сөмөлүөттэр көппөт буолбуттара.

Билиҥҥитэ аан дойдуга саҥа ыарыыннан 73 тыһ. 336 киһи ыалдьыбыта биллэр. Кытайга коронавирустан сылтаан 2 тыһ. кэриҥэ киһи өлбүт.

Тарҕат:

Добавить комментарий