Войти

Войти

Чурапчы улууһун Хадаарыгар уонна Чакырыгар бу от ыйыгар гаас ситимин тардыыта  түмүктэниэҕэ. Бу туһунан улуус баһылыга Андрей Ноговицын иһитиннэрэр.

Бу сүҥкэн бырайыак Саха сиригэр 2020-2025 сс. тыа сирин комплекснай сайыннарыы бырагыраама иитинэн ыытыллар.

Баһылык бу күннэргэ Хадаарга уонна Чакырга сылдьан гаас турбатын тутуу үлэтин кытары ыкса билистэ. Маны таһынан, бу нэһилиэктэр сааскы халааҥҥа төһө бэлэмнээх олороллорун үөрэттэ. Нэһилиэк баһылыктара Константин Лебедев, Иван Васильев, Тарас Тарасов нэһилиэктэрин сайдыытыгар туох былааннаахтарын сиһилии кэпсээбиттэр. Андрей Ноговицын Чакыр нэһилиэгэ ыытар үлэтин-хамнаһын аһаҕастык биһирээбит. Хайахсыкка сылдьан оскуола тутуутун тула ыытыллар үлэни сиһилии билистэ уонна түмсүүлээхтик үлэҕэ күүскэ түһүнэргэ баҕа санаатын эппит. Тыа сирин гаастааһын бырагырааматынан 2021 сылга Дириҥҥэ, Үрүҥ Күөлгэ уонна Чурапчыга күөх төлөнү киллэрии салгыы ыытыллыаҕа. Бу туһунан улуус дьаһалтатыгар иһитиннэрэллэр.

IMG 2921

Санатар буоллахха, былырыын Айсен Николаев Чурапчы нэһилиэгэр Куоҕалы түөлбэҕэ күөх төлөнү киллэрии үөрүүлээх тэрээһинигэр кыттыбыта.



Тарҕат:

Добавить комментарий