Тутуу быраабылатын чэрчитинэн, ханнык баҕар тыын суолталаах утуму, ол иһигэр гаас турбатын ханааба хаһан баран таҥааччылар.
Бу – тулхадыйбат тэхиньиичэскэй ирдэбил, сокуон. Оттон Мииринэйгэ Чернышевскайдыыр шоссеҕа турар АГРС-тан, ол эбэтэр гаас уматыгы араарар, утумнарынан үллэрэр тумуктан, утуму куоракка Безымяннай көҥүһүнэн ыыппыттар. Ханааба хаһан ороскуотурбатахтар. Бэлэм аппа-дьаппа баар диэн, “тутан-хабан салыкынатан” кэбиспиттэрэ бу баар. Дьиҥэр, бу үрүйэ бэйэтэ ааттаах-суоллаах, Кыра тайахтаах диэн. Ону 60-с сыллар картографтара дьаалайбакка, үрүйэни Безымяннай диэн ааттаан, Мииринэй куорат хаартатыгар киллэрбиттэр. Үрүйэ Иирэлээх үрэҕэр түһэр. Халыҥ хаардаах дьылга баһаам ууну халыһытан киллэрэр. Ирбэт тоҥноох, сааһын күүстээх дэбилгэннэнэр үрүйэ сүнньүнэн, уу да, гаас да утумнара тардыллыа суохтаахтар. СНиП быраабылата ону дьэҥкэтик кэрэһэлиир. Оттон Мииринэйгэ коммуникацияҕа хайдах күдээринэ сыһыаннаһалларый?! Буолаары буолан дохсун сүүрүк, көҥүс. Ханнык да тимири көөрөтөр. Аны, гаас уматык тэриэбэтэ, көҥүс үрдүгэр олордуллубутун туох дии саныыгыт? Дьэ, ити курдук, биһиги куораппытыгар тыын суолталаах эбийиэккэ, буоллун-хааллын диэбиттии дьалбаатык сыһыаннаһалларыттан кэлэйэҕин эрэ.
Станислав Алексеев, Мииринэй куората. Ааптар хаартыскалара.
