Войти

Войти

Официальнай ыстатыыстыкаҕа Мииринэй инфекционнай балыыһатыгар, Чайыҥдаттан уонна да атын ньиэп-гаас, баахта учаастактарыттан кэлбиттэр киирбэттэр. Тоҕо диэтэххэ, бу дьон атын уобаластарга, эрэгэйиэннэргэ докумуоннанан сылдьаллар.

Онтон-мантан ковид-19 дьаҥыгар ыалдьыбыт дьон, Мииринэй оройуонун толороотторун кытары, аны сыыйа-баайы, олохтоохтор ыалдьыталаан бардылар. Мииринэйдээҕи эпидемиология уонна гигиена киинин дириэктэрэ Алена Франк “Алмаастаах кыраай” теле-араадьыйа хампаанньа брифинигэр иһитиннэрбитинэн, балаһыанньа нэдиэлэ саҕаланыытыгар соччото суох.

Ол курдук, Мииринэй оройуонугар 59 киһи хоруона хамсыгар ылларбытыттан 53 – аҥаардас алмаастаах кыраай киинигэр.

Урут, бигэ балаһыанньалаах Айхал бөһүөлэгэр – икки киһи, Мииринэй куоратыттыттан икки көстөөх Арыылаах сэлиэнньэтигэр – үс киһи ыарыйдылар.

Дьокуускай иммунологическай лабораториятыттан 25 киһи анаалыһа чопчуланан кэлиэхтээх. Бу дьонтон хоруона хамсыгар хаптарбыттара билиннэҕинэ, ыстатыыстыкабыт хаахтыйар кутталлаах. Бүгүҥҥү туругунан Мииринэй инфекционнай балыыһатыгар ковиднай госпитальга 31 киһи сытар. 29 киһи провизорскай салааҕа баар. Маны таһынан, тымныйан ыалдьыы уонна сэбиргэхтэтии үксээтэ. Бу маннык ыалдьыбыт дьон, сорохторо, хоруона хамсыгар ылларбыт да буолуохтарын сөп.

Станислав Алексеев, Мииринэй куората. МЦРБ саайтыттан хаартыска.  

Тарҕат:

Добавить комментарий

Бүтэһик сонуннар