Войти

Войти

Мииринэй куорат дьаһалтатын  “Мииринэйдээҕи муниципальнай илдьит» таһаарыыта иһитиннэрбитинэн, 2020 сылга, уулуссалары уонна суоллары аспааллааһын салгыы ыытыллыахтаах. Барыта 21.670,22 кв. миэтэрэ иэннээх уулусса аспаалланыахтаах. Ону сэргэ 2.821,84 кыб. миэтэрэ иэннээх буор суоллар өрөмүөннэниэхтээхтэр.

Ол курдук, Ленинград бэрэспиэгин Пенсионнай пуондун аттынааҕы учаастага, Газовиктар бөһүөлэктэрин суоллара, Весенняй, Экспедиционнай, Интернациональнай, Дорожнай, 8 марта, Мухтуйскай уулуссалар быйыл оҥоһуллар буоллулар.

mir1

Ыкса күһүҥҥэ диэри балачча бириэмэ баар, онон суолу оҥорооччулар күнү-дьылы былдьаһан үлэлииллэрэ ирдэнэр.

Урут бэдэрээччит – Мииринэй суолларын управлениета, үксүнм куорат киинигэр эрэ суол өрөмүөнүн ыытар эбит буоллаҕына, быйыл куорат кытыы түөлбэлэригэр кытары тиийдэ.

mir2

Уулуссаларга хайыта барыталаабыт, массыынаҕа бэрт эрэйдээх сирдэр элбэхтэр.

Олору өрөмүөннээһини куорат бүддьүөтэ уйунарыгар уустук, онон, өрөспүүбүлүкэ суол хаһаайыстыбатын пуондатын үбүнэн-харчынан өйөбүлэ суох, үлэ толорутук барбата дьэҥкэ.

mir3

Урукку сылларга, бу пуонда Мииринэй уулуссаларын уонна суолларын 20 мөлүйүөҥҥэ тиийэ суумаҕа үбүлүүрэ. Уулуссаларбыт да туруктара ордук этэ. Билигинм ол ыараатар ыараан иһэр.                                  

Станислав Алексеев, Мииринэй куорат. Ааптар хаартыскалара.

Тарҕат:

Добавить комментарий