Войти

Войти

2004-2005 сыллардаахха, Киров шоссетыгар, Иирэлээх үрэҕин эниэтигэр муҥурданар сирин аттыгар, туох да сүрдээх улахан тутуу барбыта.

Оччолорго, билиҥҥи курдук буолуо дуо, үп-харчы баар ахан кэмэ этэ. Мииринэй куорат  үйэ аҥаардаах үбүлүөйүн чиэһигэр, бу “Вилюйское кольцо”, оттон сахалыы тылбаастаатахха "Бүлүүлүүр биһилэх” диэн ааттаах кэрэ-бэлиэ, норуот сынньанар сирэ тэриллибитэ.

11

2005 сыллаахха, Бүлүүлүүр биһилэххэ "Каюр уонна геологтар", “Араҥаччылааччы Хотун” скульптурнай композициялар туруоруллубуттара.

Эһиги ол хаартыскалары көрөҕүт.

1

2

3

8

9

9

10

Аны туран, киэҥ-куоҥ сир тилэри көҕөрдүллүбүтэ. Араас мас-от, үүнээйи эгэлгэтэ олордуллубута.Светодиод, декоративнай лаампалара, бүтүн сынньанар сири сырдатар буолбуттара. Киэһэ, кырдьык, манна кэрэ. Олохтоохтор уонна туристар сылдьалларыгар анаан кафе, эрэстэрээн, эргиэн кииннэрин бастыҥнарын аспыттара. Туох барыта баар. Кууһунан атыылыыр маҕаһыынтан автомастырыскыайга тиийэ.Онон, бу – туристическай миэстэ.Мииринэй куората тупсаҕайынан, ырааhынан, көҕөрдyyтyнэн, айылҕата сымнаhыарынан уруккуттан биллэр. Уон биэс сыл ааспытын кэнниттэн, дьэ көрүҥ эрэ “Бүлүүлүүр биһилэх” хайдах курдук тупсубутун!

14

13

12

4

5

6

Быйыл да куорат хааhыната тыырбыт үбүгэр  дьон сынньанар миэстэлэрин тупсарыы син барар. Ол эрэн, урукку курдук далааһыннаах буолуо дуо? Хаhан да буоларын курдук, бу маннык хабааннаах үлэ үтүмэн болҕомтону эрэйэр.

Бүлүүлүүр биһилэххэ, ааспыт сылларга туох үлэ ыытыллыбытын, мин хаартысканнан дьүһүйүүбэр көрүҥ.

 

Станислав Алексеев. Мииринэй куората. Ааптар фотолара.

 

 

Тарҕат:

Добавить комментарий

Бүтэһик сонуннар