Войти

Войти

Хамсыктан сылтаан маассабай тэрээһин Саха сиригэр бобуллан турар. Ол - үгэс буолбут күһүҥҥү муҥханы эмиэ хаарыйда.

 ЯкутияDaily cаайка өрөспүүбүлүкэ сорох баһылыга муҥханы тоҕо боппуттарын туһунан сырдаппыт.

Чурапчыга муҥханы бэлиэр бобон олороллорун баһылык Андрей Ноговицын кэпсиир. Чурапчы улууһугар хамсык тарҕамматах сирэ - Мырыла эрэ сэлиэнньэтэ. Чурапчы атын сэлиэнньэлэригэр хамсык ыарыы, хомойуох иһин, барытыгар тарҕаммыт. Мырыла нэһилиэгин баһылыга Мария Кронникова хамсык ыарыы өрөспүүбүлүкэҕэ өрө туруоҕуттан кытаанах миэрэлэри ылыммыт, бэл, мырылалар сааскы булка да барбатахтар.

Мэҥэ Хаҥаласка эмиэ бобуллубут. Сэлиэнньэҕэ 438 киһи олорор буоллаҕына, сылын аайы 300-чэ киһи муҥхаҕа кыттар эбит. Быйыл ким даҕаны муҥхалыыр санаата суох. "Дьон доруобуйата оннооҕор күндү" диэн Сыымах сэлиэнньэтин баһылыга Иван Матвеев санаатын үллэстибит.

Хаҥалас улууһа бакаа ыксаабат. Баһылык Олег Иринеев этэринэн, хаҥаластар муҥханы алтынньы 30 күнүттэн эрдэ саҕалааччылара суох эбит. Онон хамсык ыарыыта, баҕар, намтыаҕа, оччоҕо отучча киһини мунньан муҥхалыахпыт этэ диэн эрэх-турах санана сылдьаллар. 

Намнар эмиэ "бобуллар" диэн бакаа чуолкайдыы иликтэр эбит. Ньурбаларга халлаан тымныйа илик буолан, муус да ситэ тоҥо илик. Муҥха туһунан кэпсэтии бара илик, хамсык ыарыытын туругуттан көрөн иһиэхпит диэн биллэрбиттэр. 

Тарҕат:

Добавить комментарий

Бүтэһик сонуннар