Войти

Войти

Бүгүн, тохсунньу 19 күнүгэр, Ил Дархан Айсен Николаев уонна Үөһээ Бүлүү улууһун баһылыга Владимир Поскачин көрсүбүттэр.

 Көрсүһүүгэ улуус социальнай-экэнэмиичэскэй сайдыытын торумнаспыттар. Ааспыт сыллааҕы үлэни Ил Дархан үчүгэйинэн сыаналаабыт. Владимир Поскачин билигин улуус 2022 сылга Саха АССР тэриллибитэ 100 сылыгар аналлаах Олоҥхо ыһыаҕар бэлэмнэнии номнуо саҕаламмытын кэпсээбит. Олунньуга Олоҥхо Ыһыаҕын тэрийэр хамыыһыйатын састааба бигэргэниэхтээх, ол кэннэ ханнык социальнай, култуурунай тутуулар барыахтарын, суолу оҥоруу, ыалдьыттары көрсүү уонна да атын тэрээһин үлэтин саҕалабытынан барыахтара.

Маны таһынан, үөһээ бүлүүлэр 2023 сылга Исидор Барахов 125 сылын киэҥ хабааннаахтык бэлиэтээри былаанныылар. Ол чэрчитинэн Харбалаахха оскуола-сад саҥа дьиэтин уонна Исидор Барахов түмэлин тутан киллэриэхтэрэ.

Билигин улуус хоруона хамсыгын утары маассабай быһыыны биэриигэ күүскэ ылсан саҕалаабытын улуус баһлыга Айсен Николаевка кэпсээбит.

Тарҕат:

Добавить комментарий