Төрөөбүт тыл уонна сурук-бичик күнүгэр анаан, олунньу 13 күнүгэр СӨ Национальнай бибилэтиэкэтэ үгэскэ кубулуйбут сахалыы диктаны суруйарга ыҥырар.
Хоруона хамсыгынан сибээстээн, быйылгы тэрээһиҥҥэ бэрт аҕыйах киһи эрэ киирэн суруйар кыахтаах, эрдэттэн суруйтарыы барбыт буолан, аһаҕас миэстэ номнуо суох. Оттон баҕалаахтар дистанционнай ньыманан суруйуохтарын сөп. Онуоха Национальнай бибилэтиэкэ олунньу 13 күнүгэр күнүс 14 ч. быһа эпиири ыытыаҕа. Онон баҕалаахтар илиискитин, уруучукаҕытын бэлэмнэнэн, быһа эпииргэ холбонон, дьиэҕититтэн олорон суруйуоххутун сөп. Быһа эпиир бибилэтиэкэ YouTube ханаалыгар ыытыллар. Биир нэдиэлэнэн түмүгү бибилэтиэкэ саайтыгар таһаарыахтара, онон кыттыылаахтар бэйэлэрэ төһө сөпкө суруйбуттарын бэрэбиэркэлиэхтэрин сөп.
