Войти

Войти

Өлүөхүмэ улууһугар ГАВС –ка үлэлии сылдьыбыт дьахтар 600 тыһыынча солкуобайы хаассаттан уоран сууттанна. Суут киниэхэ иккис сыл усулуобунай болдьоҕу накаастабыл быһыытынан анаата.

Өлүөхүмэ улууһун “ГАВС “(«Саха сирин Салгынынан ситим Сүрүн ааҕыныстыбатын») ААУо урукку үлэһитигэр, атын малы бэйэтигэр иҥэринии ыстатыйатынан бириигэбэр таҕыста. Бу туһунан  Илин- Сибиирдээҕи тырааныспар борокорутааратын пресс-сулууспата иһитиннэрдэ.

Силиэстийэ быһаарбытынан, дьахтар өссө быдан эрдэ, 2016 сыллаахха тэрилтэ хаассатыттан киниэхэ итэҕэйиллибит 500 тыһыынча харчыны уоран ылбыт. Тута илиититтэн харбаппакка өрө баран аны 2019 сыллаахха сокуону кэһиитин хатылаан, бу сырыыга хаассаттан – 127 тыһыынча харчыны сойбоппут.

Суут кэмигэр сууттанааччы толору буруйун билиммит, оҥорбут буруйуттан кэмсиммит. Саха сиринээҕи тырааныспар борокорутууратын судаарыстыбыннай буруйдааһынын Өлүөхүмэ оройуонун борокорутуурата өйөөбүт.

Суут сууттанааччыны толору буруйдааҕынан билиммит уонна икки сыл усулуобунай болдьох накаастабыл анаабыт, 20 тыһыынча ыстыраап төлүүрүгэр модьуйан туран.

Бириигэбэр сокуоннай күүһүгэр киирдэ.

Тарҕат:

Добавить комментарий