Киирии

Киирии

Мииринэй хайаны байытар кэмбинээтигэр 2017-2018 сылга сарбыйыы долгунугар, «МИР» рудник кэнниттэн, аны биир бөдөҥ тэрилтэ - автобаза түбэстэ. 805 үлэһиттээх тэрилтэ биллэ “чарааһыыр” чинчилээх.

Мииринэйдээҕи хайаны байытар кэмбинээккэ сарбыйыы кэннэ, уопсайа тыһыынчаттан тахса киһи үлэтэ суох хаалла. Бу сыл устата аны МХБК автобазатын үлэһиттэрин сарбыйыахтара. Биричиинэтэ – «МИР» рудник саахалланыыта, 3-с №-дээх баабырыка утумнарыгар тиэллэр урууда, ХБК үлэтин кээмэйэ биллэ аччааhыннара.

maxresdefault

От ыйын 1 күнүттэн ыла, МХБК автобазатыгар оптимизация саҕаланыахтаах. Биллэн турар, автобаза үлэhиттэрэ мантан сылтаан мунаахсыйа сылдьаллар.Ол курдук, Мииринэй хайаны байытар кэмбинээт автобазатын, «Алмаздортранс»(Ленскэй к.) 1-кы №-дээх ЛАТПтын кытары холбоон, «МАТП» («Мирнинское автодорожное предприятие») диэн самалык тэрилтэ («дочернее предприятие») тэрийэргэ былаанныыллар.

 лблЎ а гагг вЁнЁЁвЁЈна

Санатан эттэххэ, урукку «МАТП» диэн ааттаах тэрилтэ (Герман Таракановскай салайбыта) 2009-2010 сылларга экэниэмикэ кириисиһан содулугар эстибитэ. Ол оннугар «ЛАТП-1» ( «Алмаздортранс», Ленскэй к.) оччугуй филиала хаалбыта. МХБК автобазатыгар үлэлии сылдьыбыт дьону, Мууна баhын алмаастаах сиригэр («Верхне-Мунское месторождение алмазов»), «Удачнай» хайаны-байытар кэмбинээтигэр үлэлэтэ ыыталыыллар. Оттон МХБК каадырга отдела Уһук Хоту баран үлэлииртэн батынар дьону, ону сэргэ биэнсийэлээхтэри кытары улаханнык дьирээлэспэт. Биэс ыйдаах орто хамнастарын төлөөн баран уураталыы олорор. Эбэн эттэххэ, МХБК орто хамнаhа – 110 тыhыынча солк. Суоппардар шахтердардааҕар арыый кыраны аахсаллар. Эдэрдэргэ инники кэскил син баар курдук. Удачнайдааҕы ХБК «600 үлэ миэстэтин таһаарабыт» диэн эрэннэрэр. Ордук Мууна баhыгар суоппардыы барааччыларга усулуобуйа балачча тэриллэн эрэр. Холобур, «С», «Е» категориялаах суоппардары, 90 туонналаах «Скания» авто-пуойастарга хос үөрэттэрии бара турар. 68 авто-пуойас Мууна баhыттан Удачнай 12 №-дээх баабырыкатыгар диэри (170 биэрэстэ) урууда тиэйиэхтээх. Онтуларыгар, суоппар тиийбэт диэн буолла. Маны учуоттаан, авто-пуойастар суоппардарын Удачнайга бэйэтигэр ХБК автобазатыгар босхо уhуйаллар. Мууна баhын бырамыысыланнастаах учаастагар иккилии киhи олорор хостордоох, барыта 80 вахтовикка анаан, тупсарыллыбыт уопсайдары тута сылдьаллар. Икки уопсай быйыл күһүн үлэҕэ киириэхтээх. Мииринэйтэн Удачнай диэки баахта ньыматынан үлэлиир балаһыанньа субу тирээн кэллэ. Дойдуларыттан 600, 670 биэрэстэ ыраах сирдэргэ. Ыарахан. Ону хайыахтарай?! Атын суол суох.

Станислав Алексеев, Мииринэй куорат.

Тарҕат:

Комментарии

Аахпыт
+6 Аахпыт 25.04.2018 18:28
550 тыhыынча бэртээхэй "парашют" эбит дии.
Ответить
Миисэ
+2 Миисэ 26.04.2018 06:51
Эдэрдэри эрэ кытары кэпсэтэллэр. Саастаахтары сарбыйдылар.
Ответить

Защитный код Обновить