Киирии

Киирии

Бүгүн алмаастаах кыраай киин куоратын Кыайыы болуоссатыгар тымныы тыаллаах күнү аахсыбакка бэрт үгүс киhи муhунна.

Ыам ыйын 8 күнүттэн ыла, солбуhа-солбуhа, «Вахта памяти» - «хаки» камуфляж кууркалаах, георгиевскай лиэнтэлээх уолаттар уонна кыргыттар Сталин пааматынньыгын аттыгар, бойобуой пуоска турдулар. Пуоска Чернышевскайтан кэлбит кадеттар куорпустарын уонна МРТК устудьуоннарын «Барс» байыаннай кулуубун эдэр байыастара турдулар.

mirny6

Ыам ыйын 9 күнүн бэлиэтиир миитин байыаннайдыы болдьохтоох чааhыгар буолла.

mirny8

mirny

Манна, Мииринэй оройуонун, куорат уонна «АЛРОСА» хампаанньа салайааччылара, тыыл бэтэрээннэрэ, уопсастыбаннас бэрэстэбиитэллэрэ тыл эттилэр.

mirny2

Ол кэннэ И.В. Сталин пааматынньыгын аттыгар бочуоттаах миэстэлэргэ олорбут сэрии уонна тыыл бэтэрээннэригэр, ыччаттар махтанан, сүгүрүйэн туран сибэкки дьөрбөтүн туттартаатылар.

mirny3

Миитин биир долгутуулаах түгэнинэн православнай сиэр-туом – «Кириэстээх хаамыы» («Крестный ход») толорулунна.

mirny7

Бу туому сэргэ, Сибэтиэй Троица хараамыттан дуорааннаах куолакаллары тыаhатан, алдьархайдаах сэрии сиэртибэлэрин туhунан санаттылар.

mirny5

Кыайыы күнүгэр аналлаах бырааhынньык биир чыпчаал түгэнинэн «Бессмертный полк» аахсыйа буолла. Комсомольскай, Ойуунускай уулуссаларынан уонна Ленинград бэрэспиэгинэн Кыайыы болуоссатыгар биир ньыгыл холуоннанан таҕыстылар.

mirny9

Быйыл кыттааччы баhаам.

Миитини ыам ыйын 9 күнүгэр аналлаах бырааhынньыктааҕы Кыайыы салюта киэргэттэ.

mirny4

Ол кэннэ дьон Ленинград бэрэспиэгин устун Ленин болуоссатын диэки дьулуста. Бырааhынньыктааҕы тэрээhини дойдуга бэриниилээх буолуу патриоттуу кэнсиэрэ киэргэттэ.

Болуоссаттарга, хараам искибиэригэр, күммүт-дьылбыт хахсаатын аахсыбакка, норуот күүлэйэ хойукка диэри бара турда.

Бу Улуу Кыайыыны уруйдуур бырааһынньыктааҕы тэрээһин хаһааҥҥытааҕар даҕаны бэрт сэргэхтик ыытылынна.

Станислав Алексеев. Мииринэй куорат. Ааптар хаартыскалара.  

Тарҕат:

Комментарии

Саввинов Семён
0 Саввинов Семён 09.05.2018 21:53
Бүгүн кыайыы оһуохайа улахан тэрээһиннээхтик барда,станислав алексеев һырдаппатаҕа хомолтолоох олохтоох һаха дьонугар,мин оһуохайы өрө тарда һатыыбын,бүгүн ассамблея народов рс(я) бары кытынна...
Ответить
Бэтинчэ
+1 Бэтинчэ 10.05.2018 12:32
"Кыайыы оhуокайа" диэн фотолардаах суруйуу салгыы баар.
Мииринэйгэ саха ыччаттара бааллар ахан да эбит.
Ответить

Защитный код Обновить