Атырдьах ыйын 27 күнүттэн саҕалаан, Саха сирин үрдүнэн “Такси” диэн профилактическэй операция иккис түһүмэҕэ саҕаланар. Бастакы түһүмэх бу дьыл муус устарыгар 19 улууска уонна киин куоракка ыытыллыбыта.
Бир нэдиэлэ устата эрэгийиэннээҕи минтранс массыыналар тэхэньиичэскэй туруктарын хонтуруоллуур департаменын ыстаарсай иниспиэктэрдэрэ итиэннэ суол сулууспатын уонна автомобиль тырааныспарын департаменын исписэлиһэ ГИБДД сотрудниктарын кытары таксистары үчүгэйдик сыныйан бэрэбиэркэлиэхтэрэ.
Тырааныспар министиэристибэтин исписэлиистэрэ этэллэринэн, бу дьыл бастакы аҥаарыгар 110 эриэйдэ ыытыллыбыт, ол түмүгэр 36 административнай матырыйаал суруллубут. Таксистар сүрүннээн банаардара уонна цветографическай схемалара суоҕа, салон иһигэр пассажирдары тиэйии быраабылатын туһунан иһитиннэрии, итиэннэ суоппардар эриэйсэ иннинээҕи мэдэссиинэ көрүүтүн уонна массыына хонтуруолун ааспыттарын туһунан докуомуоннар итэҕэстэрэ элбэҕэ кыайбыт.
Маннык операция бу күннэргэ суолга быһылаан тахсыбатын бохсор уонна көҥүлэ суох таксистары уодьугуннуур сыаллаах ыытыллар. Туһааннаах дьаһаллар атырдьах ыйын 27 күнүттэн саҕалаан балаҕан ыйын 2 күнүгэр дылы ыытыллыаҕа. Бу туһунан минтранс пресс-сулууспата иһитиннэрэр.
