Дьокуускай – Аллараа Бэстээх хайысханан поруомнар сырыылара быһа холоон, бу нэдиэлэ бүтэһигиттэн саҕаланыа. Бу туһунан “Лентранс” ХЭУ генеральнай дириэктэрин эбээһинэһин толорооччу Любовь Корнеева иһитиннэрдэ.
“Билигин Аллараа Бэстээх өттүттэн муус олоччу барарыттан, ону таһынан Дьокуускай биэрэгэ муустан босхолоноруттан тутулуктаах. Онон поруомнар сырыылара быһа холоон, бу нэдиэлэ иккис аҥаарыгар арыллыаҕа”, – диэн эттэ.
“Лентранс” ХЭУ үс поруому: РТ-456, СП-858 уонна “Капитан Леонтьев” үлэлэтэр.
